Vendimmarrje me pjesëmarrje dhe përmirësim të ofrimit të shërbimit të U&K
Përmirësimi i ofrimit të shërbimeve në nivelin e fermerit kërkon ndërhyrje lidhur me:

• Menaxhimin e aseteve;
• Alokimin, planifikimin dhe shpërndarjen e ujit;
• Vendosjen e tarifave;
• Grumbullimin dhe menaxhimin e tarifave;

Vendosja e sistemit të komunikimit ndërmjet bashkisë dhe fermerëve
Ky sistem bazohet në lloje të ndryshme aktivitetesh të organizuara nga bashkitë me ndihmën e projektit të asistencës teknike.

• Takime të hapura me fermerët;
• Prodhimi i broshurave informuese për ujitjen;
• Përgatitja e kësaj faqe interneti e lidhur me platformën e SMI;

Krijimi i një platforme për koordinimin e bujqësisë në nivel bashkie
Fokusi i një platforme të tillë koordinimi është në harmonizimin e planifikimit dhe vendimmarrjes mbi menaxhimin e ujit; planifikimit të ujitjes; mirëmbajtjes së infrastrukturës së skemave; llojeve të kulturave të kultivuara; përcaktimit të tarifave, etj. Përveç funksionit të menaxhimit dhe administrimit të infrastrukturës së U&K, bashkitë gjithashtu kanë funksionin e krijimit të një sistemi lokal për shërbimet këshilluese dhe informuese të bujqësisë.

Zhvillimi institucional i NJUK-ve ndaj administrimit të sistemeve të U&K të orientuar drejt shërbimit
Me anë të projektit të AT, ndihma iu ofrua direkt NJUK-ve në mënyrë që të forcojnë kapacitetet e tyre për:

• Përmirësimin e efikasitetit dhe efektivitetit në menaxhimin e skemave të U&K;
• Rritjen e transparencës;
• Rritjen e përgjegjësisë sociale;
• Përmirësimin e financimit të qëndrueshëm;